OBRADOIRO DECORACIÓN DE CADERNOS📕

Durante os meses de decembro e xaneiro realizamos no centro un obradoiro de decoración de cadernos, no que o alumnado puido deixar voar a súa creatividade.
Usando distintos materiais, cores e ideas, cada neno e nena personalizou a súa libreta ao seu gusto, conseguindo resultados moi orixinais. Ademais de pasalo ben, o obradoiro serviu para traballar a imaxinación, a expresión artística e compartir un rato diferente cos compañeiros e compañeiras.
Foi unha actividade moi entretida e o alumnado quedou encantado coas súas creacións.

PRIMEIRO RETO FOTOGRÁFICO DO 2026🕊 

Comezamos un novo ano e con el un reto moi especial... Neste mes de paz, reflexión, de promesas e propósitos... Propoñémosvos que busquedes un obxecto que vos identifique e que nos mandedes a súa foto!! E... Xa que estamos en confianza contámosvos que os profes fixemos este xogo no primeiro trimestre... E, aparte de rir un bo rato, descubrimos que somos un claustro moi variado... Cun imperdible, unha cometa, un reloxo, unha chave, uns patíns, un flotador, unha pelota de fútbol, unha taza de café, un baúl, un caleidoscopio... E moitos máis... Quen é quen si que é segredo de sumario 🤫 Animádevos a darlle vida ao mundo dos obxectos con nós!! orecunchoderison@gmail.com

📸 RETO FOTOGRÁFICO NADAL 2025 ✨

O gañador do último reto fotográfico de 2025 foi Óliver, de Educación Infantil. Grazas a el e á súa familia por compartir con nós esa fermosa imaxe chea de emoción e creatividade. 💛 Queremos agradecer tamén a participación de todas as persoas que enviaron as súas fotografías. Foi realmente difícil escoller unha soa… Grazas por facelo tan especial!

O NADALl! ✨

 As nenas e nenos de 3º deséxanvos un Feliz Nadal, cheo de ilusión, ledicia e bos momentos en familia. 🎄💫

🎄📖 RECOMENDACIÓNS LECTORAS DE NADAL

 Chegan as vacacións de Nadal, un tempo perfecto para baixar o ritmo, compartir momentos e crear lembranzas en familia 💛 Dende PortoBiblio animámosvos a reservar cada día un pequeno espazo para ler xuntos cos vosos fillos e fillas: un conto antes de durmir, unha historia no sofá ou unha lectura compartida ao sol dun día tranquilo. Ler en familia fortalece vínculos, alimenta a imaxinación e converte os libros en fogar. Que este Nadal veña cargado de historias, emocións e tempo compartido.

 

🔍 INVESTIGANDO A BANDEIRA

As nenas e nenos de 6º comezan unha viaxe polo mundo a través dun símbolo moi especial: as bandeiras 🚩. Ao longo da súa investigación descubrirán as bandeiras de distintos países, os súas cores, formas e símbolos, afondando no seu significado e nas historias que representan. A través deste obxecto achegaranse a conceptos como identidade, cultura e diversidade, comprendendo que, aínda sendo diferentes, formamos parte dun mesmo mundo. Mediante a observación, a investigación e o diálogo, o alumnado aprenderá a mirar máis alá das fronteiras e a valorar a riqueza cultural que nos une. Comeza a aventura… listas para izar as bandeiras do mundo! 🌎

OBXECTO DE INVESTIGACIÓN DE 5º 🔍 

Este trimestre, as nenas e nenos de 5º comezan unha nova aventura de aprendizaxe arredor dun obxecto moi presente no noso día a día: a cafeteira.A partir dela investigarán como funciona, que tipos existen, a súa historia, as partes que a compoñen e os cambios que foi experimentando co paso do tempo. Observaremos, faremos preguntas, formularemos hipóteses e descubriremos como a ciencia, a tecnoloxía e a vida cotiá están máis unidas do que pensamos. Porque aprender tamén é mirar con curiosidade os obxectos que nos rodean e entender o mundo dende eles. Comezamos a investigación… estades preparados?