Mil grazas a nosa compañeira Fernanda e aos nenos/as por este bonito traballo! Dende logo, das nosas aulas van sair moitos e moitas artistas!
A idea da profe de ART era familiarizarse e coñecer un chisquiño máis a nova mascota do cole🐱
Por un día foron pintores co modelo posando para eles!
Sentado nunha cadeira, Risón estivo feliz de ser debuxado e pintado polosos nenos/as de 3°, 4° e 6° de Educación Primaria
Este 2025 chega cargado de maxia, aventuras e historias que nos fan viaxar sen saír do sitio. A nosa colección de contos medra coas novas incorporacións que fomos adquirindo ao longo do ano, pensadas para todos os públicos pero, sobre todo, para alimentar a imaxinación dos máis pequenos.
A continuación os presento unha pequena mostra.
A clase de ioga para os nenos e nenas de primeiro foi moito máis ca unha sesión de exercicio: foi unha verdadeira viaxe máxica! Nun ambiente cheo de cor, música suave e esterillas coma nubes, os pequenos aventureiros mergulláronse nun mundo onde o corpo e a imaxinación camiñan da man.
Guiados por María Acevedo doce e chea de enerxía, os nenos e nenas aprenderon posturas básicas de ioga mentres contaban unha historia fantástica. Cada movemento era parte dunha aventura: o can boca abaixo convertíase nun lobiño curioso, a postura da árbore nun bosque encantado, e a do guerreiro... nun valente gardián da Maxia Amarela.
E que é a Maxia Amarela? Pois é a luz que todos levamos dentro. A profesora explicoulles que aparece cando respiramos fondo, cando axudamos aos demais ou cando cremos en nós mesmos. Durante a clase, os nenos “activaron” esa maxia tocando a barriga cun dedo, sentindo como se acendese unha luz cálida no interior. Ese momento foi tan especial que algúns peques mesmo pecharon os ollos e sorriron sen decatarse.
Unha experiencia fermosa, ideal para cultivar a concentración, a autoestima e, sobre todo, a alegría. Sen dúbida, a Maxia Amarela chegou para quedar.