A FORZA DO LILA: "UN RETO POLA IGUALDADE”

Este mes de novembro, coincidindo co mes da igualdade de xénero e da non violencia 💜, 

O noso reto consiste en facer unha foto a un obxecto de cor lila ou morado.Neste reto, o obxecto será o verdadeiro protagonista da imaxe.Só se pode enviar unha foto por alumno ou alumna.Imos encher as nosas vidas de cor lila, de respecto e de igualdade 💜✨

 

XA TEMOS VENCEDORA DO MES DE OUTUBRO:

👏 Parabéns a gañadora e a todas as persoas que participaron! As vosas fotos amosaron moita creatividade e imaxinación.
O reto continúa no mes de novembro con novos obxectos protagonistas…
📅 ¡Animádevos a participar e a seguir descubrindo a vida secreta que se agocha nas cousas de cada día!

 

🎙️📻 PORTORADIO ESTÁ DE ESTREA! 🌊✨

 O pasado 7 de novembro o alumnado de 2° A presentou as novidades da nosa radio escolar. Entre elas, coñecemos á nosa nova mascota radiofónica... ONDIÑA! 💙 Ela acompañaranos nas emisións e aventuras sonoras do cole, mentres que Risón, a nosa mascota literaria, seguirá levando sorrisos polas páxinas dos libros Xuntos forman un equipo perfecto! A creadora de Ondiña é a artista local @hilosyballenas que ademais de facer estas fermosa fotos, montou este bonito vídeo que recolle toda a maxia do momento vivido na radio. Queremos dar as grazas aos técnicos de radio polo seu fantástico traballo e ao profe de música, que os guiou e acompañou nesta experiencia tan enriquecedora. O alumnado de 2°A de Primaria leva tempo practicando e preparando o seu programa nas clases de Lingua Galega, e o resultado foi espectacular!  Parabéns pequenas/os! 👏 Grandes locutores e locutoras! 🎤

🎨✨ Quentando motores para o Obradoiro Creativo de Pintura con Diamantes! ✨🎨

Este mes poñemos a brillar a vosa imaxinación 💎

SAMAÍN 2025 🕸 

O espírito do Samaín apoderouse de nós!! 👻 Entre risas, noxo, sustos e moita imaxinación… vivimos unha xornada terrorificamente divertida! 🎃 💀 Atrevémonos a entrar no noso túnel tenebroso… e só os máis valentes descubriron o que nel se agochaba! 🕷 Creamos vasoiras máxicas, aptas para auténticas meigas profesionais, e probámolas nunha carreira chea de emoción! 🍬 Para rematar, repuxemos forzas cunha merenda deliciosamente espeluznante!

O CORPO HUMANO BAIXO O RAIO X💥

O pasado venres 24, o alumnado de 2º de Educación Primaria tivo unha visita moi especial e interesante!

María, unha nai colaboradora ❤️, achegouse á biblioteca para falarlles duns tipos de fotografías moi especiais que permiten ver o corpo por dentro... coma se fora maxia! ✨

Trouxo radiografías antigas 🩻 para amosar distintas partes do corpo, explicar como medran os nenos 👧👦, como son as fracturas 🦴, as vértebras… e moito máis!

Xurdiron moitas preguntas 💭, compartíronse historias persoais e todos aprenderon un pouquiño máis sobre o corpo humano dende a perspectiva médica dunha radióloga 👩‍⚕️.

🙏 Grazas, María, por compartir unha mañá tan educativa e divertida co noso alumnado de 2°! 🌟

🌈✨ OBRADOIRO PLASTILINA CONDUTIVA!

Ola, pequenos inventores e inventoras!
Durante o mes de outubro fixemos algo moi especial: o primeiro obradoiro de plastilina condutiva 🎉. Si, si, plastilina... que conduce a electricidade!
Descubrimos que hai plastilina condutiva (que deixa pasar a electricidade). Aprendemos a facer circuitos eléctricos moi sinxelos, usando luces LED, pilas e cables. E o mellor de todo… ¡as nosas creacións iluminábanse de verdade! 💡
Ademais de xogar coa ciencia, tamén houbo espazo para a creatividade. Cada neno/a elaborou as súas propias esculturas luminosas, combinando arte e tecnoloxía nunha mestura perfecta de STEAM.
Foi unha actividade chea de risas, cores e descubrimentos. Agradecemos moitísimo a todos os nenos e nenas que participaron.
E se non puideches vir… ¡non pasa nada! Moi pronto faremos outro obradoiro para seguir creando cousas brillantes coa electricidade e a plastilina máxica. ⚡🎨