VISITAS MOI ESPECIAIS ÁS AULAS DE 3 ANOS

Grazas de corazón por regalar tempo, ilusión e palabras cheas de maxia. Cada historia que contastes foi unha xanela aberta á imaxinación, un fío que nos une e nos fai medrar xuntos.

 PORTO RADIO

 CLICA NA IMAXE PARA VER TODOS OS PROGRAMAS DE RADIO EMITIDOS.

 UNHA MESTRA EN CADA CORAZÓN

Hoxe queremos compartir con vós unha xornada moi especial que vivimos no noso cole a semana pasada!
Recibimos a visita de 8 usuarias do Centro de Día de Portonovo, acompañadas por María, a súa coordinadora, e dúas coidadoras. Nun encontro cheo de emoción e aprendizaxes compartidas, falamos sobre a figura da mestra e como todos e todas levamos unha pequena mestra dentro.
Xuntas elaboramos unhas pulseras preciosas que simbolizan esa aprendizaxe compartida e, ao rematar, entregamos diplomas de participación ás nosas convidadas e aos nenos e nenas, como lembranza da actividade "Unha mestra en cada corazón".
A actividade contou tamén coa presenza das concelleiras de Educación e de Asuntos Sociais do concello de Sanxenxo, e coa colaboración moi especial dunha mamá do cole Jessica Dadin , integrante da Asociación Ollares,que foi quen captou estes momentos tan fermosos coas súas fotos!
Grazas a todas as persoas que fixeron posíbel este día tan cheo de cariño, respecto e aprendizaxe interxeracional!

DÍA DO MESTRE

Hoxe celebrouse unha fermosa xornada de convivencia entre as usuarias do Centro de Día de Sanxenxo e o alumnado de 1º de Primaria do Colexio de Portonovo para celebrar o Día do Mestre. A actividade comezou cun encontro onde compartiron experiencias e reflexionaron sobre do significado da palabra "mestre".A continuación, participaron nun taller de pulseiras co lema “Todos levamos un Mestre dentro"

Esta semana os peques do noso cole secuestraron a Rison!!! 🤭

Si si, pero fixerono para lembrarnos que Risón, ademáis da nosa mascota, é un ghato moi especial e ESPACIAL.... Case case tan adorable coma eles!

Sen dúbida, a súa historia de metAMORfose, contada polo noso teacher MANUEL e ilustrada por YOLANDA de @hilosyballenas nos vos decepcionará!

Así que si, aquí seguimos... Pico e pala!⛏️Insistindo en que vos animedes a colaborar neste fermoso proxecto.

E nos vos preocupedes que o conto non vale 3.000 euros como din... É algo menos!

Se algunha/o se anima a participar neste bonito proxecto, temos a siguiente ligazón https://vkm.is/ametamorfose, ou ben podedes pasar pola administración do noso centro e facer o voso encagarlo alí mesmo! 😊

XA NOS QUEDA POUCO!!!⏳️

OBRADOIRO LETRAS GALEGAS

Durante a Semana das Letras Galegas celebramos a nosa lingua e cultura cun obradoiro moi especial! En colaboración con varios centros do Salnés, creamos chapas personalizadas cheas de mensaxes en galego, e tamén fixemos unhas pandeiretas moi xeitosas, cos peques de infantil, que encheron o espazo de cor e son tradicional🥰

Unha experiencia creativa e colaborativa para festexar o noso, para seguir falando e sentindo en galego!

 O MAGO TETO

Esta semana celebramos as Letras Galegas dun xeito moi especial: coa visita do Mago Teto!

Un mago galego que encheu o noso colexio de ilusión, sorrisos e moita maxia. Porque, como el ben nos lembrou, a maxia máis poderosa está dentro de nós mesmos.

O alumnado de Educación Infantil e Primaria gozou dunha xornada inesquecibel e moi divertida, onde as palabras cobraron vida e a fantasía ocupou cada recuncho do colexio.

Queremos compartir convosco unha actividade moi especial que fan os nenos e nenas de 6ºA e 6°B: Booktubeiros! Nesta iniciativa tan chula, o alumnado recomenda libros a outros pequenos lectores, contando un pouquiño sobre a historia e a súa experiencia coa mesma.

Nesta ocasión temos a Astou e Sergio, que nos falan dun conto clásico: "Os tres porquiños" 🐷🐷🐷. Eles explícanos de que vai o conto e qué lles pareceu. Grazas a estas recomendacións, outros nenos e nenas poden descubrir libros novos e saber se lles poderían gustar tamén.

Parabéns aos dous grupos de sexto e aos seus titores por esta actividade tan enriquecedora! 👏✨

VISITA DA ESCRITORA SABELA FERNÁNDEZ TRELLES

Tivemos unha visita moi especial na nosa biblioteca! A autora de A miña avoa, a miña superheroína compartiu unha fermosa charla co alumnado de 4º deEducación Primaria, que leu e gozou da historia de Laura e da súa avoa Carmela, unha muller valente, parte dunha saga de loitadoras.
Foi unha xornada chea de emocións, reflexións e moita maxia arredor dos libros e das nosas avoas, as verdadeiras superheroínas do cotiá.

🧡 Grazas, Poli Paco!

Hoxe queremos dedicar esta entrada do blog a unha visita moi especial que tivemos na escola: a do Poli Paco, que nos veu falar sobre algo moi importante… ¡as normas de educación vial!

Os nenos e nenas de Infantil estiveron atentísimos mentres o Poli Paco lles explicaba, dun xeito divertido e moi claro, como debemos comportarnos nas rúas, nos pasos de peóns, e mesmo cando imos no coche. Aprendemos cousas tan importantes como:

🚦 A importancia de mirar sempre antes de cruzar.

🚸 Que significan os semáforos e os sinais.

🚗 Como viaxar seguros nos asentos traseiros e co cinto posto.

👮 E sobre todo... a respectar as normas para coidar de nós mesmos e dos demais.

Grazas ao Poli Paco por facelo tan ben, con moita paciencia, sorrisos, e ata algunha que outra canción que nos encantou! Agora somos máis conscientes e responsables cando imos pola rúa.

¡Moitas grazas, Poli Paco, por axudarnos a ser cidadáns máis seguros! Volve cando queiras! 🚓💙

A MAXIA DA DIVERSIDADE

Vivimos nun mundo cheo de matices, identidades e historias únicas. A maxia da nosa diversidade, unha riqueza que merece ser visibilizada, celebrada e protexida.

Con este espírito naceu a mesa redonda sobre diversidade. O evento  foi un espazo aberto ao diálogo no que diferentes voces compartiron reflexións e experiencias arredor do que significa vivir e convivir nunha sociedade plural.. A través desta conversa, quixemos poñer enriba da mesa os desafíos, pero tamén as oportunidades que ofrece unha sociedade diversa.

DESCUBRINDO A MAXIA AMARELA

Hoxe, nun bonito día de primavera, queremos lembrar unha xornada moi especial vivida o pasado 3 de abril cos nenos e nenas de 1º de Primaria. Tivemos a sorte de recibir a María, mestra de ioga con máis de 20 anos de experiencia, que nos guiou nunha viaxe chea de calma, luz e maxia.

 🧘‍♀️✨ Xuntos practicamos ioga e descubrimos a maxia amarela, esa que nace do noso interior, a maxia do sol que nos ilumina e nos dá forza. Tamén coñecemos instrumentos marabillosos que nos axudan a relaxarnos e conectar co noso benestar. 

 Ao rematar, participamos en tres obradoiros moi especiais: 

•  Mandala do Rei Sol: pintamos mandalas cheas de cor que representan o noso sol interior. 
•  Spray de Auga de Enerxía Solar: fixemos un spray refrescante con auga solar e auga de rosas, para sentirnos mellor e ulir a natureza. 
•  Amuletos protectores para durmir: elaboramos saquiños con herbas naturais que nos acompañan nas noites, enchendo os soños de protección e felicidade. 

 🌼 Grazas de corazón, María, por compartir a túa luz e sabedoría connosco. Queda no noso recordo como unha xornada chea de maxia.

 🛒 Un carriño cheo de contos… e de ilusión! 📚✨

 Na nosa biblioteca estamos de noraboa! Temos un novo compañeiro de viaxe: un carriño para transportar contos, feito con moito agarimo polas mans habilidosas do noso conserxe Alfonso. Este carriño non é un carriño calquera. Foi construído pensando en achegar os libros a todos os recunchos da escola. Agora os contos poden viaxar polos corredores e polo patio, facendo que a maxia da lectura nos acompañe alá onde vaiamos.

Alfonso, que sempre está disposto a botar unha man, deseñou e fixo este carriño cun deseño práctico e bonito. Grazas ao seu traballo, os libros móvense con facilidade e podemos levar a lectura máis alá das estanterías.

Queremos darlle as grazas máis lectoras e máis sentidas a Alfonso por este detalle tan especial, feito con corazón e con compromiso coa nosa comunidade escolar.

Agora só nos queda encher o carriño… de contos, de aventuras, de soños e de moitas ganas de ler!