O martes 3 de decembro ás 16:00 horas convidamos a todas as familias a escoitar ao psicólogo Oscar Páramos.

 

ANDAINA CAMIÑO AO RESPECTO

Dende o CEIP Plurilingüe de Portonovo queremos agradecer a toda a nenas/os, mestras/es e familias a implicación e participación na Ill Andaina Camiño o respecto. Unha fermosa iniciativa que ten como obxectivo promover a participación de toda a comunidade educativa a prol do rexeitamento público contra a violencia de xénero.

Video Andaina

PDI: GALIZA MÁXICA

A semana pasada tivo lugar a I Gran Cerimonia de Maxia e Feitazaría no noso cole.
Neste acto ao que fumos convidados cunha misiva misteriosa, coñecimos a PDI deste curso escolar: Galiza Máxica!
Ademais descubrimos a verdadeira identidade das nosas mestras e mestres... Entre as que se atopa unha Nai d Dragóns, un Feitizeiro Trapalleiro, unha Menciñeira que baila Muiñeira, unha Pantasma con Asma, un Demo Ventolín, unha Elfa Galadriel, unha Bruxa da Risa, unha Fada despistada, un Xílgaro, un Lobishome, unha Tarotista Fatalista e ate un Rei!!
Pero o gran momento chegou cando o Sombreiro Seleccionador, recén chegadiño de Howarts, tomou a palabra... E otorgou a cada curso un tipo de maxia!! Maxia Verde, Amarela, Azul ou Branca! A partir de agora teremos que investigar e gozar co noso proxecto!!!

 HOXE TOCA!!!

Sabela, Camila e Enzo estiveron contando o conto "Cuando las niñas vuelen alto" aos compañeiros de 2º de primaria.

 XOGOS POPULARES

Estas semanas tivemos a gran sorte de contar cunha selección de fermosos e divertidos xogos tradicionais cedidos polo noso amigo Cándido. Somos afortunados xa que cada ano temos a sorte de contar con este conxunto de materiais, os cales, na súa gran maioría representan unha pequena parte da nosa historia como pobo galego.
Nestas imaxes podemos observar como o tradicional poder ser moi entretido nos momentos de lecer.
Mil grazas Cándido!

COMEZAMOS PROXECTO

Esta semana comezamos o noso Proxecto de Centro, estades preparados para vivir un ano máxico?

Dende o Ceip Plurilingüe de Portonovo queremos informar dunha noticia devastadora: ESENCIA a fada dos bosques galegos está desaparecendo. Este ser máxico vive grazas a ilusión dos nenos/as galegas e do seu coñecemento pola nosa terra.
O CGSM (Comité Galego de SERES MITLÓXICOS pide axuda ao alumnado experto do Ceip Plurilingüe de Portonovo para resolver esta ardua demanda.
Como credes que podemos colaborar pra que ESENCIA siga viva e non desapareza para sempre? Está nas vosas mans. Cada minuto conta!

 

      ZONA DE EQUILIBRIO

O noso cole estrea nova zona de equilibro no patio!!!
Queremos agradecer especialmente a Beni por facer posíbel este novo espazo no noso patio.
Mil grazas tamén a Jesus vidal bea por estar sempre disposto a axudar.

Seguimos en constante evolución!
Mil grazas a toda a Comunidade Educativa pola colaboración

 CELEBRAMOS O MAGOSTO

Así celebramos o Magosto no Ceip Plurilingüe de Portonovo, castañas asadas e chourizos con pan para toda a nosa Comunidade Educativa.
Mil grazas a toda a nosa familia escolar, a ANPA @anpaceipportonovo ; e en especial queremos agradecer a Jesús Vidal, Benito e Suso.
Grazas tamén aos mestres/as pola organización e axuda, e como non ao noso conserxe Alfonso.
Agardamos que a festa fora do voso agrado. Vémonos na seguinte!
Feliz finde familias!🥰

UNHA VISITA MOI ESPECIAL!!

Xornada moi enriquecedora a que onte viviron os maiores do noso cole. Recibiron a un grupo de mozos de Malí aos que ensinaron varios xogos tradicionais: petanca, salto a corda e trompos; e cos que practicaron deportes como o baloncesto ou balonmán.
Nenas e nenos puideron preguntar e escoltar de preto a dureza doutra realidade moi diferente á nosa!
Mil grazas a ONG ACCEM por esta oportunidade! E grazas a Mamadou, Moussa, Diadi e todos os seus compañeiros polo seu sorriso!😃

HOXE TOCA!!!

Martina, Ismael e Mariña estiveron contando o conto "Vivan las uñas de colores" aos compañeiros de 2º de primaria.

 

MALETAS VIAXEIRAS

É unha proposta  que viaxa polas mans e imaxinacións dos máis pequenos, levando consigo un feixe de historias cheas de maxia, emoción e aprendizaxe. Trátase dunha actividade que mestura tradición oral e literatura infantil, facendo que os contos cobren vida a medida que pasan dun fogar a outro, coma se fosen pequenos tesouros compartidos.Destaca pola súa capacidade para conectar a escola coa casa, fomentando a lectura en familia e creando momentos de complicidade entre nenos e adultos. Cada conto está pensado para ser lido en voz alta, para escoitar e conversar, abrindo portas á reflexión e ao soño.

SAMAÍN SENSORIAL

Neste Samaín máxico... as nosas pequenas e pequenos de Infantil tamén desfrutaron de actividades moi especiais na aula sensorial. Mirade para aí: creación de cabazas, lectura de contos nunha cova de morcegos, elaboración de monstros, experimentación con apócemas, xogos con mexunxes de meigas, confección de brazaletes e ata pintura de arañas!

 Pasámolo terrorificamente ben!!