Mural da entrada do cole terminado! 

Grazas a todos os súper profes do ceipportonovo por darme tanto agarimo esta semana.Grazas por deixarme darlle cor ás vosas ideas. Espero que vos guste e que o enchades de actividades e cousas chulas, como todo o que facedes. Grazas, de verdade. #ilustradora #hilosyballenas

✨🔬 AS NOSAS CIENTÍFICAS DO FUTURO 

Hoxe queremos compartir con vós os marabillosos traballos do alumnado de 2º de Educación Primaria para conmemorar o Día da Nena e da Muller na Ciencia.Ao longo destes días investigaron, leron, descubriron e deixaron voar a súa curiosidade para coñecer a vida e os logros de grandes científicas que cambiaron o mundo. Cada traballo reflicte esforzo, creatividade e, sobre todo, moita ilusión por aprender. Porque a ciencia tamén é cousa de nenas… e o futuro está nas súas mans! 

🎉🎭 ENTROIDO: COR, FANTASÍA E LEDICIA

Parece que aquí non para de chover… 🌧️ pero nós temos moi presente iso de que ao mal tempo, boa cara Chega o mes da cor , da fantasía , da ledicia e da troula . E o noso reto fotográfico vai xusto de iso:Mándalle a Rison o teu obxecto favorito de Entroido e comparte con todos aquilo que che alegra o corazón nesta tradición tan nosa 😉 📩 orecunchoderison@gmail.com 

OS MANDADOS DO GHATO 😺🎭 

 LUNS 🧢 Para comezar ben a festa, o Ghato manda sen protesta: gorro, gorra ou sombreiro traerás, e coma un rei o pasearás. 

 MARTES 👠👞 Se o martes queres brincar, o Ghatiño manda combinar: zapatos diferentes,...e todos a saltar e brincar!✨

 MÉRCORES 🛌 Se o mércores queres soñar, o aghato manda descansar: en pixama ao cole virás, bocexando… e non protestarás. 😴💤 

 XOVES 🎉 O xoves toca imaxinar, mestura, inventa e deixa voar: disfraz toliño e especial, canto máis raro… máis xenial! 🤪🎨 

 VENRES 🎭 Para pechar esta semana, o Ghato berra pola mañá: disfraz con obxectos sen medo nin reparo, celebramos o Entroido… que comece o descaro! 

OBRADOIRO DECORACIÓN DE CADERNOS📕

Durante os meses de decembro e xaneiro realizamos no centro un obradoiro de decoración de cadernos, no que o alumnado puido deixar voar a súa creatividade.
Usando distintos materiais, cores e ideas, cada neno e nena personalizou a súa libreta ao seu gusto, conseguindo resultados moi orixinais. Ademais de pasalo ben, o obradoiro serviu para traballar a imaxinación, a expresión artística e compartir un rato diferente cos compañeiros e compañeiras.
Foi unha actividade moi entretida e o alumnado quedou encantado coas súas creacións.

PRIMEIRO RETO FOTOGRÁFICO DO 2026🕊 

Comezamos un novo ano e con el un reto moi especial... Neste mes de paz, reflexión, de promesas e propósitos... Propoñémosvos que busquedes un obxecto que vos identifique e que nos mandedes a súa foto!! E... Xa que estamos en confianza contámosvos que os profes fixemos este xogo no primeiro trimestre... E, aparte de rir un bo rato, descubrimos que somos un claustro moi variado... Cun imperdible, unha cometa, un reloxo, unha chave, uns patíns, un flotador, unha pelota de fútbol, unha taza de café, un baúl, un caleidoscopio... E moitos máis... Quen é quen si que é segredo de sumario 🤫 Animádevos a darlle vida ao mundo dos obxectos con nós!! orecunchoderison@gmail.com

📸 RETO FOTOGRÁFICO NADAL 2025 ✨

O gañador do último reto fotográfico de 2025 foi Óliver, de Educación Infantil. Grazas a el e á súa familia por compartir con nós esa fermosa imaxe chea de emoción e creatividade. 💛 Queremos agradecer tamén a participación de todas as persoas que enviaron as súas fotografías. Foi realmente difícil escoller unha soa… Grazas por facelo tan especial!