FEIRA MÁXICA

Hoxe, pechamos o telón dun curso que foi lenda, onde a maxia non se contou... vivímola. Erguemos unha feira de soños, un recuncho encantado onde floreceu a nosa ESENCIA: a fala herdada, os camiños de sempre, as mans que sementan tradición, os latexos dunha terra chamada Galiza. 🌿💫

 E nesta viaxe, chea de meigallos e descubrimentos, grazas, pequenos e pequenas, por crer sen medo, por mirar co corazón, por darlle vida á maxia coma só vós sabedes.

 

CONSELLO INFANTIL

No noso cole celebramos o derradeiro Consello Infantil deste curso 24/25! E que tiñamos na orde do día? Pois só un punto… pero moi importante: 💡 dar ideas para o proxecto de centro do vindeiro ano!

Xa fomos meigas, domamos os 4 elementos 🌪🔥💧🌍 e sobrevivimos con maxia e moita ledicia! Agora… que nos tocará?

• Alieníxenas?
• Cine? 
• Piratas?
• Circo? 
• Cociñeiros tolos? 
• Viaxes no tempo?
• Teatro?

A imaxinación está servida, e o alumnado ten a palabra! 😄

Atención, profes… que o que vén pode ser moi tolo!

Preparadas listas..

A CREAR COS LEGOS!!!!

O alumnado de 6º púxose mans á obra e fixo maxia con pezas de LEGO! Coa guía e axuda do profe Jorge , conseguiron montar unhas figuras impresionantes para ambientar a nosa zona de construción. Un proxecto no que puxeron creatividade, paciencia e moita ilusión. Todo un exemplo de traballo en equipo e esforzo ao longo do curso. Noraboa, artistas! 🙌

 🎥 Aquí tedes un vídeo para ver o resultado final… e flipar un pouco!

XA CHEGAN AS VACACIÓNS PARA A NOSA BIBLIO!!

Estes días pechamos un capítulo moi especial na nosa biblioteca escolar.

Este curso foi tempo de cambio, de coidar os detalles e de construír, entre todas e todos, un espazo máis acolledor, vivo e cheo de maxia. A nosa biblioteca transformouse para seguir sendo ese lugar onde medramos, soñamos e compartimos.

Entre as novidades deste ano podemos destacar:
 

• A chegada de Risón, a nosa nova mascota, que xa é parte da familia. 
• Os novos carteis que nos guían e decoran con cor e animais mariños. 
• Os chalecos das voluntarias e voluntarios da Biblio, sempre dispostos/as a botar unha man. 
• Un percheiro novo para colgar os chalecos das axudantes. 
• O Carriño de BiblioPatio,  un carriño cheo de historias viaxeiras. 
• O buzón de suxestións para que Rison poida escoitar todas as nosas ideas. 
• A zona creativa, agora equipada con materiais, libros de arte, e moita inspiración. 
• Coxíns, pubs e alfombras individuais novos.
• Unha lámpada especial para facer das visitas literarias unha experiencia única.
• Creación e equipamento do recuncho de Construción.
• Expositores para os libros.
• Cartel de aberto e pechado. 
• Moitísimos libriños máis! 

🦋 Grazas de corazón ao Equipo de Biblioteca polo seu esforzo e dedicación, sempre coa ilusión de mellorar.

💛Grazas infinitas a Alfonso, o noso conxerxe, que nos axuda a seguir dando forma á "Biblio" coa que soñamos. 

🎨 E mil grazas á artista local Yoli de @hilosyballenas, por deixar a súa pegada neste proxecto tan bonito e por agasallarnos cun vídeo cheo de emocións para despedirnos desta nova etapa da biblioteca que facemos da súa man.

Agora si, pechamos un capítulo… pero xa estamos soñando co seguinte✨️

Porque ler, crear e compartir nunca pasan de moda🫶

📚 Recomendacións lectoras para nenos e nenas neste verán 🌞

O verán é tempo de lecer, sol e tamén... de boas lecturas! A lectura durante as vacacións non só axuda a manter activas as habilidades lectoras, senón que tamén pode ser unha aventura marabillosa, unha viaxe sen maleta nin billete.

Aquí che deixamos algunhas recomendacións lectoras para distintos rangos de idade. Todas elas pensadas para divertir, emocionar e facer voar a imaxinación dos máis pequenos durante os días de verán.

PORTOBIBLIO!!

Din que nun recuncho da escola hai un lugar onde os libros teñen corazón…E onde as historias non rematan cando se pechan as páxinas. Ese lugar ten nome: PortoBiblio!

Alí, este curso, viviron cousas pequenas…e ao mesmo tempo, moi grandes.Chegaron os nenos e nenas de 5° e 6°, coas súas mans dispostas e ollos atentos.

Máis adiante, cando a primavera abriu as fiestras,os nenos e nenas de 3° e 4° levaron os contos aos patios.

O carro de PortoBiblio fixo que as historias atravesaran portas e fuxisen do silencio…

Así, sen darse conta, sementaron palabras nas mans dos máis pequenos e puxeron música nas páxinas que antes só murmuraban

E por todo iso, regalámoslles un anaquiño de maxia:

unha sesión de contacontos e un detalle...que, aínda que non se compara co noso agradecemento, está CHEO DE CARIÑO🩷

Pero esta historia non remata aquí… Porque quen axuda, quen le, quen comparte… sempre ten un novo capítulo agardando.

E nós, en PortoBiblio, xa estamos escribindo o seguinte...

XADREZ NA BIBLIO 

Na nosa biblioteca, que medra, muda e se transforma, hoxe floreceu o inesperado...Uns nenos de 2ºA , coa liberdade dos que xogan e soñan, moveron os sofás onde sentan os autores que nos visitan… e, sen pedir permiso máis que ao corazón.