O NADALl! ✨

 As nenas e nenos de 3º deséxanvos un Feliz Nadal, cheo de ilusión, ledicia e bos momentos en familia. 🎄💫

🎄📖 RECOMENDACIÓNS LECTORAS DE NADAL

 Chegan as vacacións de Nadal, un tempo perfecto para baixar o ritmo, compartir momentos e crear lembranzas en familia 💛 Dende PortoBiblio animámosvos a reservar cada día un pequeno espazo para ler xuntos cos vosos fillos e fillas: un conto antes de durmir, unha historia no sofá ou unha lectura compartida ao sol dun día tranquilo. Ler en familia fortalece vínculos, alimenta a imaxinación e converte os libros en fogar. Que este Nadal veña cargado de historias, emocións e tempo compartido.

 

🔍 INVESTIGANDO A BANDEIRA

As nenas e nenos de 6º comezan unha viaxe polo mundo a través dun símbolo moi especial: as bandeiras 🚩. Ao longo da súa investigación descubrirán as bandeiras de distintos países, os súas cores, formas e símbolos, afondando no seu significado e nas historias que representan. A través deste obxecto achegaranse a conceptos como identidade, cultura e diversidade, comprendendo que, aínda sendo diferentes, formamos parte dun mesmo mundo. Mediante a observación, a investigación e o diálogo, o alumnado aprenderá a mirar máis alá das fronteiras e a valorar a riqueza cultural que nos une. Comeza a aventura… listas para izar as bandeiras do mundo! 🌎

OBXECTO DE INVESTIGACIÓN DE 5º 🔍 

Este trimestre, as nenas e nenos de 5º comezan unha nova aventura de aprendizaxe arredor dun obxecto moi presente no noso día a día: a cafeteira.A partir dela investigarán como funciona, que tipos existen, a súa historia, as partes que a compoñen e os cambios que foi experimentando co paso do tempo. Observaremos, faremos preguntas, formularemos hipóteses e descubriremos como a ciencia, a tecnoloxía e a vida cotiá están máis unidas do que pensamos. Porque aprender tamén é mirar con curiosidade os obxectos que nos rodean e entender o mundo dende eles. Comezamos a investigación… estades preparados? 

PEQUENAS FIGURAS, GRANDES MUNDOS 🌍

 E no noso PDI non podía faltar a parte máis lúdica, imprescindible na vida: O XOGO.
As nenas e nenos de 4º escolleron como obxecto de estudo o PLAYMOBIL. Este pequeno xoguete, creado en 1974, segue a inspirar a pequenos e maiores a imaxinar, crear e soñar con mundos mellores.

📸 CAPTURANDO EMOCIÓNS 📸

A emoción tamén queda rexistrada no PDI… ✨

Da man da cámara fotográfica, o obxecto que están a investigar as nenas e nenos de 3º 📷👧🧒

Que sorte poder capturar momentos cheos de emocións e convertelos en fermosas lembranzas para sempre 💛

⏰ O TEMPO EN SEGUNDO: UN CAMIÑO PARA DESCUBRIR ⏰

Nas aulas de 2º seguen avanzando nun proxecto que vai moito máis alá dun simple obxecto. O reloxo 🕰️ convértese para eles nunha ferramenta para comprender o tempo, para mirar cara atrás, valorar o presente e ilusionarse polo que está por vir.

🚗1º DE PRIMARIA EN MARCHA! 🚗

O alumnado de 1º continúa descubrindo a vida segreda dos obxectos e, nesta ocasión, o protagonista é… o COCHE!

Entre curiosidades, historias e moita imaxinación, están aprendendo todo o que este obxecto agocha e o que pode chegar a contar.

Prepárate para ver ideas brillantes, investigacións divertidas e traballiños que van rodar moi lonxe! 😉💡

O PDI MÁIS VIVO CA NUNCA 

Continuamos cos nosos ghatiños e ghatiñas de 5º e 6º de Infantil, nos seguintes videos nos van dicir o que van investigar, que cousa cousiña será !!

✨ RETO FOTOGRÁFICO DE DECEMBRO

 Chega un novo mes e con el… o noso último reto do ano! En decembro fotografaremos obxectos de Nadal: luces, adornos, estrelas, boliñas, beléns… todo aquilo que vos lembre esta época tan especial 🎄⭐✨ 📩 Non esquezas enviarnos a túa foto ao correo: orecunchoderison@gmail.com Lembrade: Só é necesario unha fotografía por neno/a para participar no concurso. O obxecto ten que ser o protagonista! Estamos desexando ver as vosas creacións! 📷

💜 XA TEMOS VENCENDOR DO RETO FOTOGRÁFICO DE NOVEMBRO

 Parabéns a todas e a todos os participantes do reto fotográfico de novembro! Un aplauso especial para Marc de 2º A, que conseguiu alzar a súa pulsera violeta con moita creatividade e sensibilidade. 

 Grazas por seguir enchendo o noso cole de maxia, ilusión e oportunidades para aprender a través da imaxe.

🖼✨ Obradoiro de Pintura con Diamantes: unha experiencia creativa para brillar

Durante o mes de novembro celebramos un obradoiro moi especial: pintura con diamantes, unha técnica creativa que combina relaxación, precisión e moita cor. A actividade, pensada para participantes de todas as idades, converteuse nun espazo perfecto para desconectar do día a día e deixarse levar pola arte.
Desde o primeiro momento, o ambiente encheuse de entusiasmo. Cada neno/a escolleu o seu deseño e, paso a paso, foi colocando pequenos diamantes sobre a lenzo adhesivo. O resultado? Auténticas obras de arte que brillan coa luz e coa dedicación de cada participante.
Durante o obradoiro falamos sobre truquiños para organizar os diamantes, mellorar a técnica e manter a concentración sen perder o ritmo. Ademais, compartimos momentos de conversa, risas e colaboración,demostrando que a creatividade tamén é unha forma de encontro.
Ao rematar, todos levaron para casa un chaveiro único feito con paciencia e ilusión. Mais, sobre todo, marcharon coa satisfacción de descubrir unha actividade relaxante e sorprendentemente adictiva.

PDI MÁIS VIVO CA NUNCA 🖍

 Este ano, os nosos pequechos e pequechas comprometéronse a descubrir a vida segreda dos obxectos 🔍✨ E xa están mans á obra!! 👐💡 Queredes ver que cousiña escolleu cada grupo? Pois non perdades ollo, que nos próximos días volo contamos… 👀📢 Comezamos cos nosos ghatiños e ghatiñas de 4º de Infantil, que van investigar algo que lles encanta e que está moi presente nas súas vidas… 🖍️ AS CERAS!!